رێوڕەسمی جۆراوجۆری زەماوەند
نوچە.نیت.گولان
هەر هۆز و نەتەوەیەك بە گوێرەی داب و نەریتی خۆیان زەماوەند دەگێڕن، لە لای خۆمان جاران جیاوازتر زەماوەندەیان دەكرد، ئێستا چووەتە فۆرمێكی مۆدێرنەوە، بەڵام زۆربەیان هاوشێوەن، كە لە یانەیەكی تایبەت میوان و ئامادەبووان كۆ دەبنەوە، زەماوەند و ئاهەنگی پڕ خۆشی بەڕێوە دەبەن. لە جیهانیشدا هەر كەسە بە خواستی خۆی زەماوەند ساز دەكات. سەیرترینیان ئەو رێوڕەسمی چەندین بووك و زاوایەیە، ئەوانە بە دڵی خۆیان زەماوەندەیان رێك خستووە، هەر یەكە بە شێوازێك كارەكەی كردووە. بۆ نموونە: زەماوەندی سەر پایسكل، بووك و زاوا لە شێوەی رۆبۆت، زەماوەند لە گۆڕستان، زەماوەند بە مردوویی، زەماوەند لە فڕۆكە بە ئاسمانەوە، زەماوەند لە سەر چیای بەرز، ئەوانەی كۆتاییش بریتین لە زەماوەندی بازاڕ و درێژترین كراسی بووك.
