ئاوی زمزم بۆ چه‌ندین نه‌خۆشی به‌سوده
نوچە.نیت nrt
لێكۆڵینه‌وه‌یه‌كی زانستی نوێ ده‌ریخستووه كه ئاوی زمزم باشترین ئاوه له‌سه‌ر رووی زه‌وی به‌هۆی ئه‌وه‌ی باشترین جۆری خوێكان و توخمه به‌سووده‌كانی تێدایه و تایبه‌تییه‌كی ده‌گمه‌ن هه‌یه له پێكهاته‌كه‌یدا.
به‌پێی لێكۆڵینه‌وه‌كانى زانكۆی ئه‌سكه‌نده‌ریه ، ئاوی زمزم تایبه‌تییه‌كی بێوێنه‌ی هه‌یه و هه‌رچه‌ندی لێبخورێته‌وه سوودی زیاتره و پاك و بێگه‌رده و هیچ میكرۆبێكی تێدانییه.
هه‌روه‌ها ئاوی زمزم یارمه‌تیده‌ره بۆ چاكبوونه‌وه‌ی نه‌خۆشییه‌كانی گورچیله و دڵ و چاو و سه‌رئێشه و چه‌ند نه‌خۆشییه‌كی درێژخایه‌ن و قورس.
له لێكۆڵینه‌وه‌كه‌مدا ئاوی زمزمم به‌راورد كردووه له‌گه‌ڵ ئاوی بوتڵه‌كان و ئاوی ئاساییدا و ده‌ركه‌وتووه كه ئاوی زمزم جیاوازییه‌كی زۆری له‌گه‌ڵ سه‌رجه‌م ئه‌و ئاوانه‌دا هه‌یه به ئاوی شاره‌كانی مه‌دینه و مه‌ككه‌شه‌وه به‌هۆی ئه‌وه‌ی رێژه‌یه‌كی به‌رز كالسیۆم و مه‌گنیسیۆمی تێدایه”.
پشكنینه‌كان له تاقیگه‌كانی ئه‌وروپا و تاقیگه‌كانی وه‌زاره‌تی كشتوكاڵ و سه‌رچاوه ئاوییه‌كانی سعودیه ئه‌نجامداوه و ره‌نگه هه‌ر ئه‌مه‌ش هۆكاربێت بۆ ئه‌وه‌ی ئاوی زمزم تینوێتی حاجییه ماندووه‌كان ده‌ڕه‌وێنێته‌وه.
ئاوی زمزم به‌شێوه‌یه‌كی سه‌ره‌كی گرنگه بۆ ته‌ندروستی مرۆڤه‌كان، هه‌ر بۆیه له زۆربه‌ی داووده‌رمانه‌كاندا ئه‌و خوێ و مادانه هه‌یه كه له ئاوی زمزمدا هه‌یه.
