مۆنا دلبەری : بۆ جوانترین کوری شارم
ئەم ئێوارە، دیسان دڵەکەم تاسەی پیاسەی ناو شۆستەکانی ڕۆحتی کردوه
دیسان دڵم تەنگە و بیری جێژوانی ئێوارانی دەربەندی عاشقانی شارتی کردوه
ئازیزەکەم، باوانەکەم لێوەکانم لەدووری ماچی سەر گۆنات وشك هەڵاتوه
گۆی مەمکەکانم لەدووری دەستەگەرمەکانی تۆ، شەق شەق هەڵاتوە
باوانم لەکوێی؟ بێزارم لەدووریت و خەریکه دڵم شەق دەبا
بیر و خەیاڵی تۆ و ماچەکانی ژێر مڵت خەریکه دڵم بۆلای خۆی دەبا
باوانەکەم، دڵەکەم رۆحەکەم ئەی کوڕه جوانەکەی مەڵبەندی دیاری ئاشقانم
ئەی تابلۆی خۆشەویستی دیەکانم، ئەی پیرۆزترین خودای ئایینەکانم
وڕەوه بۆلام، با لەئامێزت بگرم و تێر تێر راتگوشم بەلەشی تەنیاییمەوه
بین بەلێوەکانتەوه نێم و هەناسەی تۆی جوانی لەنێو دڵم زیندوو کەمەوه
ئاخ چەن شەوه لەدووریت هەودای فرینێکی بێگەرانەوه، لەسەر مێشکم باره
نازانم چی بکەم لەکام ئاشقی گەڕەك بپرسم هۆی سوکنای ئهەو دڵەبرینداره
تۆ رۆیشتی و بەجێت هێشتم، نەت پرسی بەجارێ لەو فرمێسکی سەر گۆنام
ئاخر چۆن وادەبێ نازدارەکەم، ئەی جوانترین کوڕی شار و هاورێی دڵی تەنیام
وەره جێژوان ئاوەدان کەینەوە لەخۆشی ماچی سەر گۆناکان
وەره دەستی یەك بگرین و قاقا پێکەنین و ڕەشبەڵەکی بگێرین لەدەوری کوڕ و کچان
