نوچه‌نێت
له‌گه‌ڵ دابه‌زاندنى به‌هاى دینارى عێراقى دیارده‌یه‌كى نوێ له مامه‌ڵه‌ى دۆلار ده‌ركه‌وتووه ئه‌ویش جیاوازى نێوان كڕین و فرۆشتنییه‌تى.
ماڵپه‌ڕى به‌غداد توده‌ى عێراقى ئه‌مڕۆ یه‌كشه‌م سێى كانوونى دووه‌مى 2021 نرخى دۆلارى له بازاڕه‌كانى عێراق بڵاوكردووه‌ته‌وه.
ماڵپه‌ڕه‌كه ده‌ڵێ له بورسه‌ى كیفاح فرۆشتنى 100 دۆلار به 145 هه‌زار دینار بووه، كه‌چى كڕینى 100 دۆلار به 143هه‌زار دینار بووه.
وه‌ك تێبینى ده‌كرێت جیاوازى نێوان كڕین و فرۆشتنى 100 دۆلار دوو هه‌زار دیناره كه پێشتر هیچ كاتێك به‌مشێوه‌یه نه‌بووه و زۆر ده‌گمه‌ن گه‌یشتووه هه‌زار دینار.
به‌هۆى قه‌یرانى دارایى و كه‌متوانایى حكوومه‌ت له دابینكردنى مووچه‌ى فه‌رمانبه‌ران، وه‌زاره‌تى دارایى عێراق بڕیارى كه‌مكردنه‌وه‌ى به‌هاى دینارى عێراقى دا. ئه‌مه‌یش وایكرد به‌هاى دۆلار به‌رز ببێته‌وه.
