نوچه‌نێت
كیت وینسڵت ئه‌كته‌رى به‌ناوبانگى به‌ریتانى له دیمانه‌یه‌كدا نیگه‌رانى خۆى نیشان ده‌دات له‌وه‌ى پاشماوه‌یه‌ك له دابڕانى كه‌سوكارى ئه‌گه‌ر به‌دیداریشیان شاد ببێته‌وه به‌هۆى كۆرۆنا ناتوانێ ده‌ستله‌ملانێیان بێت.
كیت دیمانه‌یه‌كى له‌گه‌ڵ گۆڤارێكى ئه‌ڵمانى كردووه و باس له‌وه ده‌كات، دایكى سێ ساڵ له‌مه‌وبه‌ر مردووه و ئێستا باوكى به ته‌نیا ماوه‌ته‌وه، هه‌رچه‌نده دووپاتى ده‌كاته‌وه ته‌ندروستى باوكى باشه به‌ڵام به‌هۆى په‌تاى كۆرۆناوه ناتوانى به دیدارى شاد بێته‌وه.
كیت كاریگه‌ربوونى خۆى به په‌تا و دابڕانى خه‌ڵك له یه‌كتر ده‌خاته‌ڕوو، باسى خوشك و هاوڕێیانیشى ده‌كات و ده‌ڵێ، “دواى ئه‌و دابڕان تووشى ئه‌و كه‌سانه ده‌بیته‌وه كه به‌ر له په‌تا كارت له‌گه‌ڵیان ده‌كرد، به‌ڵام به‌داخه‌وه ناتوانى ده‌ستله‌ملانیان بیت”.
كیت وینسڵت ته‌مه‌نى 45 ساڵه و وه‌رگرى خه‌ڵاتى ئۆسكاره و كۆمه‌ڵێك فیلمى به‌ناوبانگى هه‌یه له‌وانه “تایتانیك” و “خوێنه‌ر”
