سیهام میران، تایبەت بە نوچەنێت
چەند كه‌سێك دارێکی تەمەن نزیکەی 100 ساڵ لە مزگەوتی گوندی نەوێی خورماڵیان بڕیه‌وه و ئەوەش ناڕه‌زایى به دواى خۆى هێنا و به‌رێوه‌به‌رى ئه‌وقافیش ده‌ڵێ، بكه‌رانى ئه‌و كاره ده‌درێنه دادگا .
ئارام شێخ جمال، بەڕێوەبەری گشتیی ئەوقافی پارێزگای هەڵەبجە، سه‌باره‌ت به پاساوى داربڕه‌كان بە نوچەنێتی گوت، “هۆکارەکە ئەوە بووە کە گوایە دارەکە رێگربووە لە ئیش و کاری مزگەوت و کۆنکرێتی حەوشەی مزگەوتی تەقاندووە، ئەمانیش بەم هۆکارە هەستاون بە برینەوەی دارەکە، لە کاتێکدا کە بێ پرسی لایەنە پەیوەندی دارەکان و بەرێوبەراییەی گشتی ئەوقافی هەڵەبجە و پۆلیسی دارستان دەبوایە پرسییان کردبووایە”
به‌ڕێوه‌به‌رى ئه‌وقافى هه‌ڵه‌بجه دووپاتى له‌سه‌ر لێپرسینه‌وه‌ى ئه‌و كه‌سانه كرد و گوتى، “راستە مزگەوتەکان ماڵی خودان بەڵام لە رووی ئیداری بەڕێوەبەری گشتیی ئەوقافی هەڵەبجە سەرپەرشتی دەکات، ئەو کەسانەی کە ئەو کارەیان کردووە لەلایەن ئەوقافەوە سکاڵایان لەسەر تۆمارکراوە و دەدرێنە دادگا.”
