هاوسەرگیریى بۆ دڵت باشە
نوچە.نیت.میللەت
رەنگە پێشتر بیستبێتت، بەڵام ئەمجارە بە توێژینەوەى زانستیى دەرکەوتووە ئەوانەى پرۆسەى هاوسەرگیریى ئەنجامدەدەن خاوەنى دڵێکى تەندروستتردەبن.
لە توێژینەوەیەکدا کە لەسەر سێ ملیۆن و نیو گەنج ئەنجامدرابوو دەرکەوتووە کە ئەوانەى هاوسەرگیرییان کردووە نەخۆشییەکانى دڵ و خوێنبەریان کەمترە لەوانەى کە هێشتا نەیانکردووە یان بێوەژن و بێوەپیاون. د.جێفرى کۆڤین پێیوایە کە پێدەچێت ئەو تەندروستییەى هاوسەران هەیانە بەهۆى کەمى فشارو هێزى هاوسەرگیرییەوە بێت، چونکە هاوسەرگیریى سەرکەوتوو فشار کەمدەکاتەوە لە ژیانى تاکەکاندا.
لەلایەکى ترەوە فشارى قوڵ بەهۆى لەدەستدانى هاوسەرەوە دروستدەبێت و دەبێتە هۆى نەخۆشی دڵ، کە دوورنیە ببێتە هۆى مەرگى هاوسەرە تەنیاکان. کاریگەریى تەندروستى هاوسەرگیریى پێدەچێت بەهۆى لایەنە دەرونییەکانى ئەو پرۆسەیەوە بێت کە دەبێتە هۆى دڵخۆشى زیاتر لەژیاندا. ئەم کاریگەرییە بۆ ئەوانەى لەژێر 50 ساڵییەوەن و هاوسەرگیرییان ئەنجامداوە ئەگەرى نەخۆشییەکانى دڵ بەڕێژەى 12% کەمدەکاتەوە، بۆ ئەوانەش کە لەسەروو 60 ساڵییەوە بەڕێژەى 4%.
