به‌ڤیدیۆ: په‌ڕه‌شۆتی له‌پێستی به‌ستوه
نوچە.نیت.ئاژانسەکان
سه‌ركێشێكی روسی به‌په‌ره‌شۆت بۆماوه‌ی دوو خوله‌ك و له‌به‌رزی 400 مه‌تره‌وه خۆی فڕێده‌داته خواره‌وه، به‌ڵام جیاوازی خۆ فڕێدانه خواره‌وه‌كه‌ی له‌وه‌دایه جه‌سته‌ی كونده‌كات و په‌ڕه‌شۆته‌كه‌ی پێدا هه‌ڵده‌واسێت.
مۆسكۆڤیتی ستانیسلاڤ ئه‌كسینۆڤ، هاوڵاتیه‌كی وڵاتی روسیایه و ڤیدیۆیه‌كی خۆی له‌تۆڕه كۆمه‌ڵایه‌تیه‌كان پۆستكردوه كه‌ڤیدیۆكه له‌دۆڵی لۆوتیربرۆنیلی له‌وڵاتی سویسرا تۆماركراوه ، هه‌روه‌ك ده‌بینرێت جه‌سته‌ی كونكردوه و په‌ڕه‌شۆته‌كه‌ی پێدا هه‌ڵواسیوه. به‌مه‌ش به‌سه‌ركێشیه‌كی گه‌وره داده‌نرێت.
هه‌روه‌ها كاتێك په‌ڕه‌شۆته‌كه پڕده‌بێت له‌هه‌وا، پێسته‌كه‌ی راده‌كێشێت و كێشه‌كه‌ی ده‌كه‌وێته سه‌رجه‌سته‌ی و په‌راسوه‌كانی به‌رونی ده‌رده‌كه‌وێت.
ئه‌و هاوڵاتیه روسیه زیاتر له‌دوو خوله‌ك به‌و شێوه له‌به‌رزی 400 مه‌تره‌وه ده‌فڕێت به‌بێ ئه‌وه‌ی هیچ زیانێكی پێ بگات. به‌مه‌ش یه‌كێك له‌یارییه مه‌ترسیداره‌كانی ئه‌نجامداوه كه تاكو ئێستا ده‌گمه‌نن
