قوتابییەكی ئاوارە 99%ی هێناوە
نوچەنێت-سۆمەریە نیوز
قوتابییەكی ئاوارەی خەڵكی بێجی لە تاقیكردنەوەكانی قۆناغی ئامادەییدا توانیویەتی نمرەیەكی بەرز بە تێكڕای 99% بهێنێت و بەو هۆیەشەوە ئەمیندارێتی ئەنجومەنی وەزیرانی عێراق بڕیاری خەڵاتكردنی دەدات.
ئەمیندارێتی گشتی ئەنجومەنی وەزیرانی عێراق لە بەیاننامەیەكیدا كە سێشەممە 22ی ئەیلوول بڵاوی كردۆتەوە دەڵێت “ئەمیندارێتی گشتی ئەنجومەنی وەزیرانی عێراق لە دانیشتنی ئاسایی سێیەمی خۆیدا بڕیاریدا خەڵاتی رێزلێنان بدات بە قوتابی -سری حمید نصیف- كە خەڵكی بێجییە و ئاوارەی دیالە بووە، بەبڕی 5 ملیۆن دینار”.
لە بەیاننامەكەدا هاتوە “رێزلێنانەكە بەهۆی ئەوەوە بووە كە توانیویەتی تێكڕای 99% بەدەستبهێنێت لە تاقیكردنەوە گشتییەكانی قۆناغی ئامادەییدا”.
