مام گۆران : گەڕانەوەم بۆ لای تۆ ڕێک لە دووعا کانم ئەچێت 
گەڕانەوەم بۆ لای تۆ
ڕێک لە دووعا کانم ئەچێت
نە ئەمان خاتەوە سەر عەشق
نە بۆ لای خوای گەورە ئەچێت
ئەم ئێواریە هی سەفەر نەبوو
تۆ بڕۆ با جێ نەمێنیت
لەم سەفەرەت بەرداوامبە
بەردوام…..
نەگەڕێیتەوە سەرمای وشک
لەگەڵ تەنیاییدا بێنیت
یادگاریەکانم لە لاتن
لە نێو بۆفیە تاقانەکەت هەڵیان بگرە
من چیتر ناگەڕێمەوە !
لەگەڵ خانم “تەنیایی”دا ئەڕۆم
تۆش لەگەڵ ئەو پیاوە کراس ڕەشەکەدا ڕێگە ببڕە
زۆر سەختە زۆر
جارێکی تر
باوەش بە عەشقتدا بکەم
بەس سەخت تر هەیە ئازیز
یادەکانتە
ناتوانم لە نێو ژوورەکەم دەریان بکەم
گەڕانەوەم وەک ئەوەیە
بە پیرە کیسەڵێک بڵێیت :
ئەبێت هەر بە زووترین کات
ڕێگەی هەزاران میل ببڕی !
یان بە شەمشەمە کوێرە بڵێیت:
قەدەغەیە بە ڕۆژ بنویت
ئەبێت بفڕی!
یان بە خۆت بڵێیت :
بەڵێن مەشکێنە !
چیتر خامەی ئەم شاعیرە
بە درۆکان مەوروژێنە
