محەمەد تاڵه‌بانی : بۆ ئه‌م جه‌ژنی سه‌ری ساڵه
بۆ ئه‌م جه‌ژی سه‌ری ساڵە
پیویست ناكات ملپیچه شه‌رابییه‌ت
له‌گه‌ردنم بئالینی
پیویست ناكات عه‌تری پرچت
به‌سه‌ر رووما بپرزینی
تكام وایه
دلت نه‌كه‌ی به‌چراخان بۆم
هه‌ست و سۆزت
وه‌ك شنه‌ی با مه هینه جیزوان بۆم
با له‌و شه‌وه پیكی لیوت
باده‌ی سالیكی نويم نه‌بێ
با ده‌سته ناسكه‌كانت ئیلهامی شیعریكی نويم نه‌بێ
توو پیرۆزی چاوه‌كانت,
توو به‌سوویی
گشت ناسۆرو ئاهه‌كانت,
توو خه‌نده‌كه‌ت,
توو به‌سۆزی ده‌نگه ناسكه‌كه‌ت,
با له‌و شه‌وه به‌ته‌نهابم
دلم وا په‌یوه‌ستت بووه
ده‌ترسم بیت”
به‌رگه‌ی دیده‌نیت ناگرم!!
