یانەی یۆڤەنتۆس داوی بۆ گرتنی ئۆسکار ئامادە کردووە.
نوچە.نێت:وەرزشی
دوای دەستپێکردنی وەرزی نوێی خوولی ئینگلیزی و نەبوونی جێگەیەکی دیار لە پێکهاتەی سەرەکی مۆرینهۆ و یانەی چێڵسیدا،یانەی یۆڤەنتۆسی ئیتاڵی بە قۆستنەوەی ئەو هەلە هەوڵەکانی بۆ بەدەست هێنانی یاریزان ئۆسکاری بەڕازیلی و یاریزانی یانەی چێڵسی چڕ کردووەتەوە.
یانە ئیتاڵییەکە هەواڵێکی لە لایەن دەزگا وەرزشییەکانی ئینگلتەراوە بڵاو کراوەتەوە کە تێیدا لە هەوڵی ئەوەدان لە هاوینی داهاتوودا یاریزان(ئۆسکار) لە یانەی چێڵسی بگوازنەوە شاری تۆرینۆ و لە یانەی یۆڤەنتۆس جێگیری بکەن.
بۆ ئەو مەبەستەش یانەی یۆڤەنتۆس بڕی 30 ملیۆن یۆرۆی ئامادە کردووە و پێ دەچێت ئەو یانەیە بتوانێت دەستەی کارگێڕی یانەی چێڵسی بەو بڕە پارە ڕازی بکات و ئەو یاریزانە لە یانەی چێڵسی بگوازنەوە شاری تۆرینهۆ و دەستکەوتی هاوینی داهاتووی یانەی یۆڤەنتۆس یاریزان ئۆسکار بێت.
