ئەسعەد مورادی
قایمقای قەزای شنگال رایدەگەیەنێت، ناوچەکەمان لەرووی پێشگرتن بە بڵاوبوونەوەی ڤایرۆسی کۆرۆنا پێشەنگە. دەشڵێت، خەڵک لەترسی پەکەکە و میلیشیاکان ناگەڕێنەوە زێدی خۆیان.
خەڵکی شنگال لە ٣-٨-٢٠١٤ بەهۆی هێرش و جینۆسایدی داعش بەرانبەریان و مەترسییەکان ئاوارە بوون و زۆرترین ئاوارەشیان روویان لە هەرێمی کوردستان کرد و بەشێکیشیان روویان لە رۆژئاوای کوردستان کرد، تاکو ئێستاش بەشێی زۆریان ئامادە نین بگەڕێنەوە ناوچەکانی خۆیان.
بەشێک لە مەترسییەکایان دەگەڕێتەوە بۆ ململانێی پەکەکە و میلیشیاکان لەو ناوچەیەوە هەڕەشەکانو هێرشەکانی تورکیا، کە بە بیانووی بوونی چەکداران و بنکە و بارەگاکانی پەکەکە لەو ناوچانە بەردەوامە. بۆەیە ژیانی ئاوارەییان پێ ئارامترە لەوەی بچنەوە سەر زێدی باوباپیرانیان.
لە ڵێدوانێکی تایبەت بە نوچە، مەحما خەلیل، قایمقامی قەزای شنگال، لەبارەی دۆخی تەندوستی و بڵاوبوونەوەی ڤایرۆسی کۆرۆنا لەو ناوچەیە رایگەیاند: لە شنگال بەهۆی هاوکاری بەڕێوەبەرایەتی تەندروستی پارێزگای نەینەواوە رێکارەکانی تەندروستی حکومەتی هەرێمی کوردستان لە کەمپەکان و خۆپارێزییەوە پێش بە بڵاوبوونەوەی ڤایرۆسی کۆرۆنا گیرا و ناوچەکە لەو ڕووەوە لە ناوچەکانی دیکە باشترە.
مەحما خەلیل دەشڵێت، ئاوارەکان نیگرانن و ناگەڕێنەوە، بۆیە داوا دەکەن هێزە نایاساییەکان لەو ناوچانە بکشێنەوە وەک هێزەکانی سەر بە پەکەکە و میلیشیاکانی سەر بە حەشدی شەعبی.
قایمقامی قەزای شنگاڵ ئەەشی خستەڕوو، کە خەڵکە ئاوارەکەی شنگال لە دواڕۆژی منداڵەکانی خۆیان دەترسن، کە لەلایەن ئەو هێزە نایاساییانەوە چەکدار بکرێن.
