نوچەنێت: هەولێر
ئەبوبەكر هەڵەدنی سەرۆكی فراكسیۆنی یەكگرتووی ئیسلامی كوردستان, هێرشی توند دەكاتە سەر ئەندامێكی فراكسیۆنی گۆڕان بە گەمژە ناوی دەبات، هەروەها دەڵێت: “هەزاران ئەندامی (زیندانی و بێ بەش و بێحورمەتی و سوكایەتی) یان پێكراوە لەسەردەستی هەندێك گۆڕانخواز كە لەگەڵ تۆدا هاوكارن و لافی چاكسازی و دیموكراسیشمان بەسەرەوە لێدەدەن و بەشدارێكی كارابوون لە بەهەدەردانی سامانی گشتی و چەوساندنەوە و گەندەڵی لەم هەرێمەدا”.
ئەنوەر قادر ئەندامی فراكسیۆنی گۆڕان, لە چاوپێكەوتنێكی گۆڤاری لڤیندا، هێرشی كردۆتە سەر یەكگرتووی ئیسلامی و هەندێك تۆمەتی داوەتە پاڵیان، كە بەلای یەكگرتووەكانەوە مایەی نیگەرانین، لە وەڵامێكیشدا بۆ ئەو تۆمەتانەی پەرلەمانتارەكەی گۆڕان، ئەبوبەكر هەڵەدنی سەرۆكی فراكسیۆنی یەكگرتووی ئیسلامی، هێرشێكی توند دەكاتە سەری و بە گەمژە ناوی دەبات، هەروەها دەیڵشێت: “خیانەت ئەوەیە خۆت لێبگۆڕێت، ئاخر چیت لە ئێمەزیاتر كردوە، هەموو خەڵكی كوردستان دەزانێت كە ئەگەر یەكگرتوو (نیسابی 23 ی حوزەیران) و (نیسابی لیژنەی یاسایی) (نیسابی واژۆی لیژنەی یاسایی) تەواو نەكردایە كۆبونەوەی نائاسایی لە دایك نەدەبوو”.
وەڵامێك بۆ وتە نەشیاوەكانی پەرلەمانتارێكی فراكسیۆنی گۆڕان
لە چاوپێكەوتنێكی گۆڤاری لڤیندا ئەنوەر قادر لە فراكسیۆنی بزوتنەوەی گۆڕان كۆمەلێك وتەی نەشیا و و جوێنی ئاڕاستەی یەكگرتووی ئیسلامی كردووە كە پاڵ بزوتنەوەی گۆڕاندا نەبوایە زاتی ئەوەی نەدەكرد بە ئێمە مان بلێ (خائن و دووڕ و چەواشەكار و بێ جورئەت و ترسنۆك و لەباردا نەبوو).
ئەو پەرلەمانتارە جوێن بە یەكگرتوویەك دەدات كە هەزاران ئەندامی (زیندانی و بێ بەش و بێحورمەتی و سوكایەتی) یان پێكراوە لەسەردەستی هەندێك گۆڕانخواز كە لەگەڵ تۆدا هاوكارن و لافی چاكسازی و دیموكراسیشمان بەسەرەوە لێدەدەن و بەشدارێكی كارابوون لە بەهەدەردانی سامانی گشتی و چەوساندنەوە و گەندەڵی لەم هەرێمەدا.
نەمدەویست لە ئاستی كەسێكی وادا قسە بكەم بەڵام لەبەر هەندێك ئیعتیبار بە كورتی دەڵێَم خیانەت كامەیە:-
1- خیانەت ئەوەیە تۆ لەسەر كورسی پەرلەمانێك دانیشتویت و شایستەی نیت.
2- خیانەت ئەوەیە جەنابت سەرە واو ێكت لە مێشكدا نی یەو بویتە ئەندامی لیژنەی یاسایی. كە هەموو شتێك دەزانیت جگە لە یاسا و هاوكارانم دەزانن ئەم ساڵ و چوار مانگە بەیەك دەستەواژە و ڕستە خزمەتت بە لیژنەی یاسایی نەكردوە.
3- خیانەت ئەوەیە هەموو كاری پەرلەمانتاری لە جنیۆوداندا خڕ بكەیتەوە.
4- خیانەت ئەوەیە خۆت لێبگۆڕێت، ئاخر چیت لە ئێمەزیاتر كردوە، هەموو خەڵكی كوردستان دەزانێت كە ئەگەر یەكگرتوو (نیسابی 23 ی حوزەیران) و (نیسابی لیژنەی یاسایی) (نیسابی واژۆی لیژنەی یاسایی) تەواو نەكردایە كۆبونەوەی نائاسایی لە دایك نەدەبوو.
بۆیە ئامۆژگاریت دەكەم دەست لەم موهاتەراتە هەڵبگریت تۆ مافی ئەوەت نی یە موزایەدە بەسەر ئێمە مانانەوە بكەیت كە هەموو تەمەنمان لە خزمەتی (شۆڕش و خەڵك و كوردایەتی و چاكسازی و نیشتمان پەروەریدا) بەسەربردوە. تەنها قامێكمان لە قەڵافەتی شێرە بەفرینەی تۆ (ئازایی و جورئەت و رۆشنبیری و بوێری و یاسایی و راستگۆ) ترە.
جنێودان و پەلاماردانی ئێمە و مانان جگە لە گەمژەیی و ناحاڵی بوون هیچی تر نییە چونكە خەڵك هەموان دەناسن و ئەو شاهیدیە بۆ خەڵكی كوردستان بەجێدەهێڵم.
(والعاقل یكفیه الاشارە)
ئەبوبەكر هەڵەدنی
