نوچە.نێت.کوردسات
دەیڤید کامیرۆن سەرۆک وەزیرانی بەریتانیا ئامادەیی وڵاتەکەی دوپاتکردەوە بۆ وەرگرتنی چەندین ھەزار پەنابەری تری سوری.
لە کۆنگرەیەکی رۆژنامەوانیدا لە شاری لیشبۆنەی پایتەختی پورتوگال کامیرۆن ئاماژەی بەوەکرد کە تائێستا وڵاتەکەی لەچوارچێوەی بەرنامەی دابەشکردنی پەنابەراندا نزیکەی ٥ ھەزار پەنابەری وەرگرتوەو ھەوڵیش دەدەین ژمارەیەکی زیاتر لە پەنابەران وەربگرین.
دوای بڵاوبونەوەی وێنەی ئەو منداڵە کوردەی کە لەنزیک کەناراوەکانی تورکیا لەھەوڵی پەرینەوە بۆ وڵاتانی ئەوروپا لەگەڵ خێزانەکەیدا بەشێوەیەکی کارەساتبار لەناو ئاوی دەریادا گیانی لەدەستدا، بەریتانیا لەژێر گوشارێکی زیاتردایە بۆ پێشوازیکردن لە ژمارەیەکی زیاتر لە کۆچبەران.
