نوچە.نێت. لەراگەیاندنەکانەوە
زوران میلانوفیچ” سەرۆک وەزیرانی کرواتیا ڕایگەیاندووە کە ژمارەیەکی زۆر لە پەنابەر ڕوویان لە وڵاتەکە کردووە و لە ئێستادا ناتوانن چی تر پێشوازی لە ژمارەیەکی دیکە لە پەنابەران بکات، ھۆشدارشی دا بە یەکێتی ئەوروپا لەوەی کە ئەو کەسانەی دێنە وڵاتەکەوە ڕەوانەی وڵاتانی ئەوروپی دیکەیان دەکات.
بەپێی زانیارییەکانی ئاژانسی “فرانس پرێس”یش لە ڕۆژی چوارشەممەی ڕابردووەوە ١٣ ھە زار پەنابەر چوونەتە کرواتیا و ئەو ژمارەیەش لە سەروو توانای بەرپرسانی ئەو وڵاتەوەیە. جێی باسە, لە دوای داخرانی سنورەکای ھەنگاریا, لە ڕۆژی چوارشەممەی ڕابردووە وە ھەزاران پەنابەر ڕوویان لە وڵاتی کرواتیا کردووە.
