شەرمەزار وتاوانباركرنا ھێرشێن توركی و ئیرانێ بو سەر باشورێ كوردستانێ
ئەڤە سەرێ چەند روژانە ، توبخانا ئیرانێ و فروكێن توركی بتوندی دەڤەرێن سنوری ل ھەرێما باشورێ كوردستانێ بومبەباران دكەن. دبنە ئەگەرا روخاندنا چەندین گوندێن كوردستانێ و دەربدەربونا ھزاران گوندی و جوتیارێن وان دەڤەران. ئەڤ ھێرشێن ھان ل دژی ھەموو یاساو عورفێن نێڤدەولەتی ومافێن مروڤانە و پیلانەكا ئاشكەرا و ھوڤانەیە لسەر ئیرادەیا كوردستانێ و دەستكەفتێن گەلێ كورد. رژیمێن پاشڤەڕو و شوفێنیستێن تەھران و ئەنكەرە، نكارن ببینن كو گەلێ كورد لباشورێ كوردستانێ بئاشتی و ئارامی ھەرێمەكا فیدرال ئاڤا دكەت یانژی گەلێ مە لباكور بئاوایەكێ دیموكراسی و ئاشتیانە درێكا ھەلبژارتنان دا نوینەرێن خوەیێن راستین ھەلبژێرن، ھەروەسا نكارن بەرسڤا خەباتا ئاشتی و دێموكراسیێ بدەن و وەكی ھەرجار توندوتیژیێ و شەری لسەر گەلێ كورد فەرز دكەن. ئەڤ رژێمێن داگیركەر ژترسا بھارا گەلان و پێلێن ئازادی و دیموكراسیێ لدەڤەرێ، ژبو دوبەرەكیێ دناڤا گەلان دا و مژویل كرنا گەلێن توركیا و ئیرانێ بگرفتێن دەرڤە ڤە ڤان ھێرشێن ھوڤانە ئەنجام ددەن.
ئەم ددەمەكیدا كو ڤان ھێرشان بتوندی شەرمەزار وسیاسەتێن ھەردوودەولەتان تاوانباردكەین، داخوازێ ژ سەروكاتیا ھەرێمێ و حكومەتا وێ دكەین، كو ھەلویستەكێ كوردانە لھەمبەر دەولەتێن ئیران و توركیێ دیار بكەن! ئارمانجا راستیا ڤان ھێرشان لبەرچاڤ بگرن و ب بھیچ شێوەیەكی ڤان دەستدرێژیان بخەباتێن ھێزین تەڤگەرا رزگاریخوازا كوردستانێ لپارچێن دی یێن كوردستانێ ڤە گرێ نەدەن.
داخوازا قەرەبوكرنا گوندیان و زیانلێكەفتیان و ئاڤەدانكرنا گوندێن خاپوركریێن وێ دەڤەرێ بكەن. دخوازین حكومەتا ھەرێمێ، كارەكی بكەت كو حكومەتا بەغدایێ ژی بئەركێن خوەیێم مولزەم راببیت و ھێز وئورگانێن نێڤنەتەوەیی فشارێ لسەر توركی و ئیرانێ بكەن، كو ئێدی ڤان ھێرشا دوبارەنەكەنەڤە. داخازێ لھەمی دلسوزێن كورد دكەین چ لكوردستانێ و ھەر جھەكێ دونیایێ بن بخونێشاندان و مانگرتنێن گشتی ڤان كریارو دەستدرێژیان شەرمەزاربكەن.
بێستون بەرواری
ھیڤی بەرواری
نەجیب بالایی
د.شعبان مزوری
بەھزاد پیرموسا
فەھمی بالایی
سەرفراز نەقشەبەندی
نەزیف مایی
نیشان بامەرنی
ئەدیب چەلكی
نزار پیرو
سەركو ئەمین
ھایدار دلژەن
محمد كمال
حسێن نزاركی
قەھرەمان بامەرنی
سیامەند ھاریكی
ئاشتی علی
بەھزاد سلێڤانەیی
محسن عبدالرحمن
كەنار رزگار
بێكەس بەرواری
د. جوان شاكو
زەكی سەروكانی
مەجید حەسۆ
ئەسماعیل گوھەرزی
د. احمد علی مزوری
ھەوار ھاریكی
نەبەز ئاڤساركی
د. خورشید ابراھیم
د. فریال علی مزوری
مێڤان مزوری
محمد سلیم عیسا
احمد چەلكی
احمد فرحان سوفی
محسن علی شوكری
سعید نێروەیی
اكرم علی مصطفی
