نوچە.نێت.رووداو- کەلار
ئەکرەم گەرمیانی بەرپرسی لقی پارتی دیموکراتی کوردستان لە کەلار رێکخستنەکانی پەکەکەی تۆمەتبار کرد کە، ئەوانن خۆپیشاندانەکان لەم دەڤەرە بەرەو تووندوتیژی دەبەن.
بەرپرسی لقی پارتی رایگەیاند:” رێکخستنەکانی پەکەکە لە گەرمیان و کەلار خزاونەتە ناو خۆپیشاندەران و هەوڵێکی زۆر دەدەن بۆ خستنەوەی تووندوتیژی لە نێو خۆپیشاندەران”.
بەرپرسی لقی پارتی لە کەلار راشیگەیاند:” ئەم بابەتە هیچ پەیوەندییەکی بە مووچەوە نییە، هیچ مامۆستایەک و فەرمانبەرێک لەنێو خۆپیشاندانەکاندا نین،هەموویان گەنجن و لایەنێکی سیاسی دیاریکراو ئاراستەی خۆپیشاندانەکان دیاری دەکات”.
