نوچه‌نێت فه‌رمانی سه‌رۆكایه‌تی هه‌رێم بۆ قبوڵكردنی ده‌ستله‌كاركێشانه‌وه‌ی به‌رهه‌م ساڵح بڵاو ده‌كاته‌وه
نوچه‌نێت: تایبه‌ت
به‌پێی فه‌رمانێكی هه‌رێمایه‌تی كه له سه‌رۆكایه‌تی هه‌رێمی كوردستانه‌وه ده‌رچووه، مه‌سعود بارزانی سه‌رۆكی هه‌رێم، ره‌زامه‌ندنی نواندووه له‌سه‌ر ده‌ستله‌كاركێشانه‌وه‌ی حكومه‌تی كابینه‌ی شه‌شه‌می حكومه‌تی هه‌رێم، به سه‌رۆكایه‌تی به‌رهه‌م ئه‌حمه‌د ساڵح.
ده‌قی فه‌رمانه هه‌رێمییه‌كه:
به‌پێی مادده‌ی ده‌یه‌م/چوارده‌می یاسای سه‌رۆكایه‌تیی هه‌رێمی كوردستان ـ عێراق ژماره1 ساڵی 2005ی هه‌مواركراو بڕیارمان دا به:
1- قبووڵ كردنی ده‌ست له‌كاركێشانه‌وه‌ی ئه‌نجومه‌نی وه‌زیرانی هه‌رێمی كوردستان ـ عێراق.
2- راسپاردنی ئه‌نجومه‌نی وه‌زیرانی هه‌رێمی كوردستان ـ عێراق به به‌رده‌وامبوون له جێ‌به‌جێ كردنی ئه‌ركه‌كانی تاوه‌كو وه‌زاره‌تێكی نوێ پێک ده‌هێنرێت.
3- ئه‌م فه‌رمانه له رۆژی ده‌رچوونییه‌وه جێ‌به‌جێ ده‌كرێت.
مه‌سعود بارزانی
سه‌رۆكی هه‌رێمی كوردستان
هه‌ولێر 2/2/2012
