واده‌ی متمانه‌دان به كابینه‌كه‌ی نێچیرڤان بارزانی دوا ده‌خرێت
نوچه‌نێت: تایبه‌ت
به گوێره‌ی زانیارییه‌كانی نوچه‌نێت، واده‌ی متمانه‌دا به كابینه‌كه‌ی نێچیرڤان بارزانی، له رۆژی سێ شه‌ممه‌وه دوا خراوه بۆ رۆژی پێنج شه‌ممه.
سه‌رچاوه‌یه‌ك له په‌رله‌مانی كوردستان به نوچه‌نێتی راگه‌یاند، “به هۆی ئامادەکاری زیاتر بۆ وردەکارییەکانی کابینەی حەوتەم. رۆژی متمانه‌دان به كابینه‌كه‌ی نێچیرڤان بارزانی دواخراوه بؤ رۆژی پێنج شه‌ممه، كه بڕیار بوو رۆژی سێ شه‌ممه له رێوره‌سمێكدا له په‌رله‌مانی كوردستان، متمانه به‌و كابینه‌یه بدرێت”.
نوچه‌نێت بۆ وه‌رگرتنی سه‌رنجی نوسینگه‌ی نێچیرڤان بارزانی، چه‌ند جارێك په‌یوه‌ندی كرد به سه‌رباز هه‌ورامی به‌رپرسی ئه‌و نوسینگه‌یه‌وه، به‌ڵام وه‌ڵامێكی ده‌ست نه‌كه‌وت.
