کۆبونەوەکەی هەولێر تەئکیدی لە رێککەوتننامەی هەولێر کردەوە وەک بنەمایەک بۆ چارەسەرکردنی کێشەکان
نوچەنێت
لە کۆتایی کۆبوونەوەکەی هەولێر کە بەبەشداری جەلال تاڵەبانی سەرۆک کۆماری عێراق و مەسعود بارزانی سەرۆکی هەرێمی کوردستان و ئوسامە نوجێفی سەرۆکی ئەنجوومەنی نوێنەران و موقتەدا سەدر سەرۆکی رەوتی سەدر و ئەیاد عەلاوی سەرۆکی فراکسیۆنی عێراقیە، فوئاد حسەین سەرۆکی دیوانی سەرۆکایەتی هەرێمی کوردستان، لە کۆنگرەیەکی رۆژنامەوانیدا بەیانی کۆبونەوەکەی راگەیاند.
لە بەیاننامەی کۆبونەوەکەدا فوئاد حسەین رایگەیاند، لە کۆبونەکەدا جەخت لە پێشکەشکردنی خزمەتگوزارییەکان و جێبەجێی داواکانی گەلی عێراق و لەزوترین کاتدا کرایەوە، هەر لە کۆبونەوەکەدا باس لەدیاریکردنی میکانزمی پێشکەشکردنی خزمەگوزاریەکان کرا و تەئکید لە دوور خستنەوەی ئەو مەترسیانە کرایەوە کە رووبەرووی پرۆسەی دیموکراتی لە عێراق دەبێتەوە و چەخت لەسەر پابەند بوون بە دەستوور و تەوافوقی نیشتیمانی کرایەوە.
لە کۆبونەوەی نیوان سەرکردەکانی کوردو عێراق کە ئەمرۆ لە هەولێر بەڕێوە چوو جارێکی تر تەئکید لەوەکرایەوە کە رێککەوتننامەی هەولێر ببێتە بنەمای چارەسەرکردنی کێشەکان و موقەتەدا سەردریش تەئکیدی لە بنەما دەستوورییەکان کردەوە کە میکانزمی بڕیارەکان دیاری دەکات.
بۆ بینینی بەیاننامەی کۆبونەوەکە بەڤیدیۆ، کلیک لە وێنەکە بکە…
