نوچەنێت
سەرۆكی حكومەتی هەرێمی كوردستان رایدەگەیه‌نێت، سوپاسی موچەخۆران و فەرمانبەرانی هەرێمی كوردستان دەكەم.
ئه‌مڕۆ سێ شه‌مه 14-3-2017، نێچیرڤان بارزانی، سه‌رۆكی حكومه‌تی هه‌رێمی كوردستان، له میانی كردنه‌وه‌ی پڕۆژه‌یه‌كی ئاوی له قه‌زای ئاكرێ رایگەیاند: بەهۆی ئەو خۆراگیری تێگەیشتنەی فەرمانبەران و موچەخۆران هەیانبوو، بۆ دۆخی ئابووری هەرێم، سوپاسی فەرمانبەران دەكەم، چونكە ئەگەر تێگەیشتنی ئەوان نەبوایە، ئێمە هەرگیز نەماندەتوانی بەپێوەبوەستین.
سه‌رۆكی حكومه‌ت راشیگەیاند، هیوادارین بتوانین بەسەر دۆخی ئابووری هەرێم زاڵبین و قەیرانی دارایی چارەسەربكەین.
نێچیرڤان بارزانی گوتی، بەدڵنیایی كۆتایی بە خراپی دۆخی ئابووری دێت، وەك ئەوەی توانیمان بەسەر داعش سەربكەوین، بەسەر ئەم دۆخەش سەردەكەوین.
