نوجەنێت
بەڕێوەبەری گشتی کەشناسی و بومەلەرزەزانی هەرێم رایگەیاند، شەپۆلێکی بارانبارین سەرجەم باشوری کوردستان دەگرێتەوە و ماوەی چەند رۆژێکیش بەردەوام دەبێت.
فازڵ ئیبراهیم، بەڕێوەبەری گشتی کەشناسی و بومەلەرزەزانی هەرێمی کوردستان بە میدیاکانی راگەیاند، شەپۆلێکی بارانبارین لە رۆژی پێنجشەممەی داهاتووەوە 16-3-2017 باشووری کوردستان دەگرێتەوە، سەرەتا لە ناوچە شاخاوییەکانەوە دەستپێدەکات و دواتر سەرتاسەری باشووری کوردستان دەگرێتەوە و تاوەکو رۆژی شەممەی هەفتەی داهاتووش 18-3-2017 بەردەوام دەبێت.
بەڕێوەبەری گشتی کەشناسی و بومەلەرزەزانی هەرێم دەڵێت، باران بەشێوەی پچڕپچڕ دەبێت، بەڵام سەرتاسەری باشوری کوردستان دەگرێتەوە.
